Алсын хараа - Дэлхийн түвшний судалгааны их сургууль болно.

Эрхэм зорилго - Бид шинжлэх ухааны хөгжлийн үндэсний түүчээлэгчийн хувьд эрдэм шинжилгээ, сургалтаар манлайлж, нийгмийг хөгжүүлэгч хүч болсон тэргүүлэх их сургууль байна.

Алсын хараа, эрхэм зорилгодоо хүрэх стратегийн тэргүүлэх таван чиглэлийг тодорхойллоо. Үүнд:

1. ЭРДЭМ ШИНЖИЛГЭЭ – Судалгаа, инновацын чадамжийг бэхжүүлнэ.
2. СУРГАЛТ – Дэлхийд өрсөлдөх чадвартай оюунлаг иргэдийг бэлтгэнэ.
3. НИЙГМИЙН ОРОЛЦОО – Хамтын ажиллагаагаар нийгэмд тогтвортой үнэ цэнийг бүтээнэ.
4. НӨӨЦ – Байгууллагын нөөцийн оновчтой удирдлагыг хөгжүүлнэ.
5. ЗАСАГЛАЛ – Сайн засаглалыг төлөвшүүлж, менежментийн чадамжийг бэхжүүлнэ.

Үнэт зүйлс:

• Академик эрх чөлөө – оюуны чөлөөт, нээлттэй эрэл хайгуул хийх, түүний үр дүнг чөлөөтэй илэрхийлэхийг бүх талаар дэмжиж, шүүмжлэлт сэтгэлгээг хөгжүүлэх;
• Ёс зүй – багш, судлаач, оюутны болон хувь хүний ёс зүйг дээдлэн, үнэнч шударга байж, бусдад хүндэтгэлтэй хандах;
• Уламжлалын бахархал – дээд боловсролын анхдагч, шинжлэх ухааны суурь салбарыг хөгжүүлэгч, улс орны хөгжилд хувь нэмрээ оруулагч МУИС-аар овоглосон хэн бүхний бахархлыг бадраах;
• Бүтээлч байдал – бүтээлч сэтгэлгээгээр инновацлаг шийдэл, өөрчлөлтийг дэмжин, үр дүнд төвлөрч бүтээмжтэй ажиллах.

Уриа үг – Эрдмийн хэт цахиваас хөгжлийн гал бадармуй