Элсэлтийн тусламж, дэмжлэг

Элсэлт / Баклавр / МУИС-д элсэх / Элсэлтийн тусламж, дэмжлэг

Эрдэм боловсролыг эрхэмлэгч Таныг Монгол улсын ууган их сургуульд элсэж шилдэг эрдэмтэн багш нарын удирдлага дор, авьяас билиг дүүрэн үе тэнгийнхэнтэйгээ хамтдаа хүн төрөлхтний бүтээсэн мэдлэгийн охь шимээс суралцаж, чанартай боловсрол эзэмшихийг урьж байна. Манай сургуулийн шинэ хөтөлбөр таныг авьяас чадвараа нээн хөгжүүлж, сонирхсон чиглэлээрээ сонголт хийж хавсарга болон давхар мэргэшин суралцах өргөн боломж олгоно.

Элсэгчдэд өгөх зөвлөмж

Монгол Улсын Их Сургууль нь нийгмийн хариуцлагын хүрээнд Ерөнхий боловсролын сургуулийн төгсөх ангийн сурагчдад зориулан элсэлтийн ерөнхий шалгалтын зөвлөмжийг бэлтгэн хүргэж байна.

Мэргэжлийн чиг баримжаа тогтоох сорил

Америкийн сэтгэл судлаач Дж.Холланд бие хүний үнэлэмж, сонирхол, хандлага, сэдэл тэмүүллээс хамаарч хүнд мэргэжлийн 6 төрлийн хэв шинж байдгийг тодорхойлсон байна.

Оюутны тэтгэлэг, санхүүгийн дэмжлэг үйлчилгээ

МУИС-д сайн суралцаж, эрдэм шинжилгээ, судалгаа, олон нийтийн ажилд амжилт гаргаж буй оюутнуудын сурах бололцоог хангах, тэднийг дэмжих зорилгоор гадаад дотоодын олон байгууллага, хувь хүмүүс тэтгэлэг олгодог.

Оюутан солилцооны хөтөлбөр

МУИС-ийн оюутнууд нь сургууль хоорондын хамтын ажиллагаа, оюутан солилцооны гэрээтэй дэлхийн 100 орчим их, дээд сургуулиудад оюутан солилцооны хөтөлбөрт хамрагдах боломжтой.

Дотуур байрны үйлчилгээ

МУИС нь оюутны 6 дотуур байртай бөгөөд гадаадын 200, дотоодын 1800 гаруй оюутан хүлээн авах хүчин чадалтай. Дотуур байранд орох хүсэлт гаргасан суралцагчдын 98 % нь байраар хангагддаг.

Мэргэжлээ хэрхэн сонгох вэ?

МУИС-аас Боловсролын үнэлгээний төвтэй хамтран ЕБС-ийн 8-9, 10-11, 12-р ангийн сурагчид болон эцэг, эх, багш нарт зориулан мэргэжлээ хэрхэн сонгох талаар цахим контентыг бэлтгэн хүргэж байна.