МУИС-д элсэх

Эрдэм боловсролыг эрхэмлэгч Таныг Монгол улсын ууган их сургуульд элсч шилдэг эрдэмтэн багш нарын удирдлага дор, авьяас билиг дүүрэн үе тэнгийнхэнтэйгээ хамтдаа хүн төрөлхтний бүтээсэн мэдлэгийн охь шимээс суралцаж, чанартай боловсрол эзэмшихийг урьж байна. Манай сургуулийн шинэ хөтөлбөр таныг авьяас чадвараа нээн хөгжүүлж, сонирхсон чиглэлээрээ сонголт хийж хавсарга болон давхар мэргэшин суралцах өргөн боломж олгоно.

ЭЛСЭЛТ

МУИС-ийн бакалаврын өдрийн хөтөлбөрийн элсэлтийн бүртгэл орон даяар 2024 оны 06 дугаар сарын 03-ны өдрөөс 07 дугаар сарын 08-ны өдрийн 12.00 цаг хүртэл https://burtgel.num.edu.mn элсэлтийн системээр явагдана.

Бакалаврын өдрийн хөтөлбөрт 2024-2025 оны хичээлийн жилийн намрын улиралд оюутан элсүүлэх журамтай ЭНД дарж танилцана уу

Элсэн суралцах хүсэлт хэрхэн гаргах вэ?

Элсэх хүсэлт гаргагч нь элсэлтийн системд нэвтрэхдээ БҮТ-ийн системд бүртгүүлсэн бүртгэлийн дугаар, нууц үгээ ашиглан нэвтэрч элсэн суралцах хүсэлт гаргана.

МУИС-ийн босго оноо

БШУЯ-аас баталсан их, дээд сургуульд элсэгчдийн хангасан байх босго онооноос багагүй байна.

Оюутны тэтгэлэг, санхүүгийн дэмжлэг үйлчилгээ

МУИС-д сайн суралцаж, эрдэм шинжилгээ, судалгаа, олон нийтийн ажилд амжилт гаргаж буй оюутнуудын сурах бололцоог хангах, тэднийг дэмжих зорилгоор гадаад дотоодын олон байгууллага, хувь хүмүүс тэтгэлэг олгодог.

Оюутан солилцооны хөтөлбөр

МУИС-ийн оюутнууд нь сургууль хоорондын хамтын ажиллагаа, оюутан солилцооны гэрээтэй дэлхийн 100 орчим их, дээд сургуулиудад оюутан солилцооны хөтөлбөрт хамрагдах боломжтой.

Дотуур байрны үйлчилгээ

МУИС нь оюутны 6 дотуур байртай бөгөөд гадаадын 200, дотоодын 1800 гаруй оюутан хүлээн авах хүчин чадалтай. Дотуур байранд орох хүсэлт гаргасан суралцагчдын 98 % нь байраар хангагддаг.

Мэргэжлээ хэрхэн сонгох вэ?

МУИС-аас Боловсролын үнэлгээний төвтэй хамтран ЕБС-ийн 8-9, 10-11, 12-р ангийн сурагчид болон эцэг, эх, багш нарт зориулан мэргэжлээ хэрхэн сонгох талаар цахим контентыг бэлтгэн хүргэж байна.