Монгол Улсын Их Сургуулийн түүхт 80 жилийн ой 2022 онд тохиож байна. Энэ ой зөвхөн тус сургуулийн ой төдийгүй Монгол Улсад дээд боловсролын байгууллага үүсэж хөгжсөний түүхэн ой билээ.

Монгол Улсын Их Сургуулиас салбарлан одоогийн АШУҮИС, ХААИС, МУБИС, ШУТИС, ХИС, Ховд их сургууль бие даан гарч салбар салбарын дээд боловсролтой мэргэжилтэн бэлтгэж, эрдмийн түүчээ болон ажиллаж байна.

Монгол Улсын Их сургуулиар овоглодог эрдэмтэн багш, ажилтан, оюутан суралцагч, төгсөгч, хамтран ажиллагсад болон дэмжигчид та бүхэнд тэгш дүүрэн 80 жилийн ойн баярын мэнд дэвшүүлье!