Оросын Шинжлэх ухааны академийн Сибирийн салбарын Эрхүү хот дахь Дэлхийн царцдас судлалын хүрээлэнгийн Аналитик төвийн эрхлэгч техникийн шинжлэх ухааны доктор Ревенко Анатолий Григорьевич-т Монгол улсад ренгенфлуоресценцийн шинжилгээний онол, арга зүй үүсч хөгжих болон нарийн мэргэжлийн боловсон хүчин бэлтгэхэд оруулсан бодит хувь нэмрийг үнэлж МУИС-ийн “Хүндэт профессор” цол олгов.

МУИС-ийн хөдөлмөр эрхлэлтийг дэмжих төв нь төгсөгчдийн ажлын байрны хангамжийг нэмэгдүүлэх, аж ахуйн нэгж байгууллагуудыг хүний нөөцөө бүрдүүлэхэд нь дэмжлэг үзүүлэх зорилгоор Нийслэлийн Хөдөлмөрийн газар, Оюутны хөдөлмөр зуучлалын албатай хамтран "JOB FAIR" өдөрлөгийг 5-р сарын 21-нд Монгол -Японы төвийн их танхимд зохион байгууллаа.

         БНХАУ-ын хятад хэлийг гадаадад түгээн дэлгэрүүлэх улсын алба санаачилсан “Хятад хэлний ном, сурах бичгийн анхдугаар үзэсгэлэн” 5-р сарын 24-ний өдөр анх удаа үүдээ нээв.

ОХУ-ын анхны ерөнхийлөгч Б.Н.Ельцины нэрэмжит Уралын Холбооны Их сургуулийн захирал В.А. Кокшаров тэргүүтэй төлөөлөгчид 5-р сарын 24-нд МУИС-д зочиллоо.

БНСУ-ын Донггукийн Их Сургууль, Гоо сайхны бүтээгдэхүүн үйлдвэрлэлийн Космакс компаниас 13 хүний бүрэлдэхүүнтэй төлөөлөгчид МУИС-ийн Биологийн факультетэд зочиллоо. Айлчлалын үеэр хоёр сургуулийн хамтын ажиллагааны хүрээнд жил бүр уламжлал болон зохиогддог Хамтарсан Симпиозиум “Биотехнологи ба Цөлжилттэй тэмцэх нь” сэдвээр 2010 оны 5-р сарын 14-ны өдөр зохион байгуулагдаж нийт 14 илтгэл хэлэлцэгдэв. Мөн зочид төлөөлөгчид 2010 оны 5-р сарын 13-ны өдөр МУИС-ийн Ойн сургалт судалгааны төвд зочилж 5 жилийн хугацаатай хэрэгжих “Чацаргана” төслийн нээлтийн ажиллагаанд оролцож дурсгалын мод тарив.

МУИС-ийн МКС-ийн Програм хангамжийн тэнхимийн багш С.Чимэд, Математик Анализийн тэнхимийн багш Ж.Даваадулам, багш Д.Золжаргал нарын хамтран бүтээсэн “Англи хэл, Математикийн сорилго” ном хэвлэгдэн гарлаа. 

          “МУИС-Оюуны Эрэл” клуб нь МУИС-ийн оюутны дотуур байрны зөвлөлтэй хамтран “Манай байр Миний гэр” сэдэвт 3 хоногийн аяныг 5-р сарын 10-12-ны хооронд амжилттай зохион явууллаа.

       Франц-Монголын соёлын өдрүүдийн хүрээнд франц яруу найргийн тэмцээний “Уран уншлагын” төрөлд ГХСС-ийн Франц хэлний II ангийн оюутан Г. Анар түрүүлж, Франц улсад болох соёлын үйл ажиллагаанд оролцох эрхээр шагнагдлаа.