Бичгийн их хүн, Монгол хэл шинжлэлийн нэрт эрдэмтэн, Академич Ш.Лувсанванданы мэндэлсний 100 жилийн ойд зориулсан олон улсын эрдэм шинжилгээний бага хурал 6-р сарын 26-ны өдөр Бээжин хотноо боллоо.

МУИС-ийн ФЭС-ийн багш, доктор, профессор, ШУ-ны гавъяат зүтгэлтэн О.Лхагва Эйнштэйны нэрэмжит олон улсын шагнал авлаа. Квант физикийн судалгаанд олон жилийн хөдөлмөрөө зориулсан тэрбээр энэ нэр хүндтэй шагналын эзэн болсон нь МУИС-ийн төдийгүй Монголын улсын эрдэмтдийн нэр хүндийг дэлхийн хэмжээнд өргөсөн хэрэг болов.

Цөмийн судалгааны төвийн захирал, Шинжлэх ухааны доктор Пүрэвийн Зузаан      “Рентгенфлуоресценц, идэвхжлийн шинжилгээний онол арга зүйн судалгаа” бүтээлээрээ МУИС-ийн 2009 оны байгалийн шинжлэлийн салбарын шилдэг бүтээлийн тэргүүн шагналын эзэн болов. 

         МУИС-ийн магистр, докторын диплом гардуулах ёслолын ажиллагаа 6-р сарын 30-ны өдөр Дуурь Бүжгийн Эрдмийн Театрт боллоо. Энэ жил МУИС-ийг 369 магистр, 34 доктор төгсөж, дипломоо хүлээн авч байна.

Зөвхөн багш оюутан төдийгүй захиргааны ажилчдыг харилцан солилцож туршлага судлуулахаараа онцлогтой гадаад хамтын ажиллагаааны нэгэн шинэ гэрээг МУИС Японы Мэйжи их сургуультай 6-р сарын 29-нд байгууллаа.

Монгол, Герман, Казакстан гурван улсын эрдэмтэд “Алтай нурууны шинэ төсөл” хэмээх хамтарсан судалгаа хэрэгжүүлэх гэж байна. Эрдэм шижилгээнийэнэхүү судалгааны  багт Монгол улсаа төлөөлж МУИС-ийн БФ-ийн профессор Б.Баяртогтох тэргүүтэй судлаачид, Герман улсаас Георг Августын нэрэмжит Геттингений их сургуулийн профессор Маркус Хаук, доктор Ч.Дуламсүрэн нарын судлаачид, Казакстаны талаас Павлодарын их сургуулийн профессор Каман Уликпан тэргүүтэй судлаачид орж ажиллах юм.

"Улс төрийн тойм сонин"-ы 6-р сарын 21-ний №88-ын “Ярилцах танхим”-д МУИС-ийн захирал С.Төмөр-Очир уригджээ.

Ардчиллын салхи сэвэлзэж, эрх чөлөөний тэнгэр цэлмэж эхэлсэн тэртээ хорин жилийн өмнө Монгол улсын ууган их сургууль гадаад түншээ нэгээр нэмсэн нь БНСУ-ын Данкүгийн их сургууль байлаа. 1990 онд хоёр сургуулийн захирлууд хамтын ажиллагааны гэрээнд үзэглэснээс хойш Солонгос дахь Монгол судлалын салбарын хуудсыг нээсэн түүхтэй.

Хэл соёл, угсаа гарвал нэгтэй Турк улстай манай улс найрсаг дотно дипломат харилцаатай, тэр дундаа МУИС тэдний боловсролын байгууллагуудтай нь нягт хамтын ажиллагаатай байдаг билээ. Энэ утгаараа 6-р сарын 22-ны өдөр Бүгд Найрамдах Турк улсаас Монгол улсад суугаа онц бөгөөд бүрэн эрхт элчин сайд А.Асам Арар МУИС-д зочилж,